ЦИВИЛИЗАЦИЯ ПРЕЖИЄ ПРАВЕ У ФУСНОТИ – ЦИВИЛИЗАЦИЯ ПЕРЕЖИЕ ПРАВѢ ПОД ЗАПЯТКОВ

12.04.2014 20:50

Книжкы не появляют ся звонка часу. Жиеме в Югославии, послѣ розпаду той, што была, в окру­женю наслѣдков войны. За нами даколькы тяжкы рокы… поет, як соловѣй, первый паде од отровного газа у рудокопни. Через хаос, котрый нас окру­жал, дакотры писателѣ не вы­дер­жали. Звонимир Няради, добрый молодый поет, наклав на себе рукы…

Наталия Дудаш (1997)

ЦИВИЛИЗАЦИЯ ПРЕЖИЄ
ПРАВЕ У ФУСНОТИ

Гутори Бродски
запатрени до историї.

Зоз велькими словами
фалшиви пророкове
паметанє заплювую,
паметанє прилагодзене з широка,
за националне паметанє.

Паметанє жада буц герой,
гоч без ноги.

Сами ше забуду мертви числа,
жертви хасновити
док кармя нєопредзелєних.

Виписуюци наручени историї
совисц зоз малими словами
на дну кнїжки
можебуц осудзи безсмислову войну, ганьблїво жертвом задзекує.

На сподку папера
за читачох виберних,
за гевтих цо од нїх
и держава странї
цивилизация прежиє
праве у фусноти.

На марґини масового живота
подаровац терашньосц
котру вигнали безвредни людзе
зоз безвреднима словами.

ЦИВИЛИЗАЦИЯ ПЕРЕЖИЕ
ПРАВѢ ПОД ЗАПЯТКОВ

Повѣдат Бродскый,
заниканый до истории.

Великыма словами
фалшивы пророкы
заплювуют память,
память приспособену широко
за националну память.

Память най буде геройска,
най и безнога.

Сами ся забудут мертвы числа,
жертвы хосенны,
докы кормлят неопредѣленых.

Выписуючи пожаданы истории,
совѣсть дробныма буквами
на сподку книжкы
може осудит безсмысленну войну, ганьбливо подякуе жертвам.

На сподку папѣря
про ты выбаглившы
книжны червакы, што
и державѣ ся гнусят,
цивилизация пережие
правѣ под запятков.

На окраю масового живота
як дар той днешности,
котру выгнали безрядны люде
з безрядныма словами.

 

Жерело: Русински/руски писнї.Нови Сад, 1997. 231.

Koнтакт

Русинська Веб-книга +380.992646750 aruwega@gmail.com