Приимаеме на нашом сайтѣ!

Сайт Русинська Веб-книга створеный ради слободного доступа заинтересованных до русинськой литературы, поднятя еѣ уровня и розвою языка. Русинська литература не мала много шансов нормално розвивати ся. Историчный путь русинськой литературы тото самы бѣлы мѣста, циже абсенция информации. Щи дашто знаеме о авторах, даколи о библиографии (досоветска биб­ли­о­графия Подкарпатя од Н.Лелекача, як знае ся, склала солидный том), но кедь иде о самы творы – тут ситуация просто катастрофична. Комунистичный режим щи в року 1924 засудив Русины на смерть и зробив ушитко, обы их язык и литература щезли, а они обы забыли даже на свое власт­ное имня. Од року 1991 на габах евфории были обѣцянкы воскресити знищены книгы, новинкы, но они так и обстали лем обѣцянками. Днесь печатана книжка помалы умерат из причины дороготнѣ. Велика часть публикаций была лем у новинках, а тоты мают недовгое житя и то, што днесь щи е дагде по архивах, скоро оберне ся на порох. Зато една важна задача про нас максимално выглядати и опубликовати на Вебѣ вшитко, што має цѣнность и што ся даст найти из пропавшого. Яку цѣнность має про нас стара литература, кедь знаеме, же там были нерѣдко и вещи доста слабы, написаны авторами-зачаточниками? Не бѣда, то и так робит про нашых теперѣшных авторов добрый фундамент и добру науку, бо учити ся мож и на чужых хыбах. Но из тых творов можеме видѣти нашу перейдену дорогу и нашу литературну и языкову традицию. Што ся тыче днешных публикаций, будеме ся змагати пропаговати тоты творы и тых авторов, котры усвѣдомено ся позирают на свою творчость, на литературу и на язык. Кедь же в Украинѣ доднесь не могли сьме ся добити узаконеня модерной интеррегионалной грамматикы, толеруеме розличны языковы нормы, но не безграмотность. Не публикуеме нич уразливое, неморалное, обсценное, бо то противорече не лем русинськой традиции, али и просто христи­ан­ской моралности. Также не ладиме ся занимати политиков, независимостёв, державотворенём, гура-патриотизмом, ани ставати у переку з Украинцями. Каждому свое. Мы ся старайме о нашое, бо за нас тото иншы не зроблят. Одтак, нашое бавище – литература и литературна критика, язык и языкова традиция, а при сих непремѣнно русинська толерантность и зваженость. Бо, як учив А.Духнович,   

 …должно знати 
 чести, и на ряд внимати, 
 никого не квилити 
 и з никым ся не бити; 
 …не рушати нич чужое, 
 не згубити дашто свое.

Теги

Актуално

25.01.2018 18:36
Указом №133/2017 з дня 15. мая 2017 Президент Украины заблоковав дакотры интернетовы службы в Украинѣ з платностьов на три...

Публикации сайта

***Емил Кубек: Марко Шолтыс ***И.Гусьнай: Языковый вопросъ въ Подкарпатской Руси (точна повна OCR-копия оригинала) ***Г.Стрипскый: Запискы из Верховины ***М. Финцицкый: Угро-руськы народны казкы ***Р.Л. Стивенсон: Остров Сокровищ ***П.Р.Магочий: Иллустрована история Украины ***П.Р.Магочий, И.Поп: Енциклопедия русинской истории и...
***По дорозѣ з Босны ***Карпатскый Медвѣдь ***Мисс Мери в Новом Санчу ***Петро Сова: Лишка ***Евмений Сабов: Як били паролу ***Игорь Керча: Рождественна прогулька ватняка ***Иван Кизак: Як вымстив ся добрый христиан ***Емил Кубек: То цивилизация? ***Иван Кизак:  Исуско  Смерть и стара баба ***Михаил Парлаг: Скупый ***Етимология:...

Koнтакт

Русинська Веб-книга +380.992646750 aruwega@gmail.com